Sálfræðistofa Þórdísar

Þórdís Jónsdóttir er með BA-gráðu í sálfræði frá Háskóla Íslands, Msc gráðu í Heilsu­sálfræði frá City University í London og Candpsych gráðu í klínískri sálfræði frá Háskólanum í Reykjavík. Þórdís hefur starfað á erfða- og sameindalæknisfræðideild Landspítalans frá 2016 og sem sjálfstætt starfandi klínískur sálfræðingur frá 2019.

Þórdís sinnir aðallega einstaklingsmeðferð fullorðinna og ungmenna og hefur mikið unnið með fólki sem hefur farið í gegnum erfiða lífsreynslu, veikindi og áföll og leggur áherslu á einstaklingsmiðaða nálgun sem byggir á gagnreyndum aðferðum eins og HAM (hugrænni atferlismeðferð), HÚM/CPT (hugrænni úrvinnslumeðferð), ACT (acceptance and commitment therapy), narrative therapy og DAM (díalektískri atferlismeðferð).

Þórdís hefur brennandi áhuga á tengslum hugar og líkama og hefur síðustu ár starfað með fólki sem glímir við erfiða erfðasjúkdóma, lifir með auknum líkum á því að fá sjúkdóma vegna þekktra erfðabreytileika og pörum sem fá erfiðar niðurstöður úr erfðarannsóknum á meðgöngu.